අල්ලස් කොමිසම විසුරුවීමට කිසිදු තීරණයක් ගෙන නැහැ. – ජනාධිපති මාධ්‍ය අංශය
අල්ලස් හෝ දුෂණ විමර්ශන කොමිසන් සභාව මේ සතියේ විසුරුවා හරින බවට ඇතැම් පුවත්පත්වල වාර්තා පළ වී ඇති අතර එම වාර්තා මුලුමනින්ම අසත්‍ය හා පදනම් විරහිත බව ජනාධිපති මාධ්‍ය අංශය නිවේදනයන් නිකුත් කරමින් කියා සිටී. අල්ලස් හෝ දුෂණ විමර්ශන කොමිසම පිහිටුවීම, සාමාජිකයින් පත් කිරීම හා ඉවත් කිරීම 19 වන ආණ්ඩුක්‍රම ව්‍යවස්ථාවේ ක්‍රමවේදයන්ට අනුව සිදු විය යුතුය. ඒ අනුව අල්ලස් හෝ දුෂණ විමර්ශන කොමිසම විසුරුවා හැරීමේ බලයක් නොමැත. කෙසේ වෙතත් ව්‍යවස්ථාදායක සභාව පිහිටුවීමෙන් අනතුරුව සියලූ කොමිසන් සභාවලට කොමසාරිස්වරුන් පත් කෙරෙනු ඇත.
යුධ අපරාධ විමර්ශනයට සම්මිශ්‍ර අධිකරණයක් යෝජනා
2002-2011 කාලයේ ශ්‍රී ලංකාවේ සිදුවීයයි කියනු ලබන මනුෂ්‍යත්වයට එරෙහි අපරාධ හා යුද අපරාධ විමර්ශනය කිරීමට ජාතික හා ජාත්‍යන්තර වශයෙන් සම්මිශ්‍රණයක් සහිත විශේෂ අධිකරණයක් (hybrid) ස්ථාපිත කළ යුතු බව එක්සත් ජාතීන්ගේ මානව හිමිකම් කොමසාරිස් අල්හුසෙයින් සෙයිද් කුමරු අද ප‍්‍රකාශ කලේය. ඒ සඳහා ජාත්‍යන්තර විනිසුරුවරුන්,අභිචෝදකයින්,නීතිඥයින් හා පර්යේෂකයින් ඇතුළත් විය යුතු බව හෙතෙම අද (16) ජිනීවාහි විශේෂ මාධ්‍ය හමුවක් කැඳවමින් කියා සිටියේය.
උඩරට නැටුමේ විත්ති
පුරාවෘත්තීන්ට අනුව එකල රජකම් කළ රජු සිහිනයකදී අඳුන් දිවියෙක් තමාගේ ඇඟට පනිනු දැක ඇත. එකල පැවති විශ්වාසයට අනුව, එම සිහිනය කුවේණියගේ ශාපය තමාමත පතිත වීමක් යැයි සැලකූ රජු ඉන් දරුණු ලෙස රෝගාතුර විය. මෙම රෝගය සුව කිරීම පිණිස රජු විසින් කළ ඉල්ලීමකට අනුව යැකැදුරන් පිරිසක් ඉන්දියාවේ සිට ලංකාවට පැමිණි අතර ඉන් පසු රජුහට කොහොඹා කංකාරිය නම් වූ ශාන්ති කර්මය සිදු කරන ලදී. මෙයින් රජු සම්පූර්ණ සුවය ලැබූ බවත්, දැනට පවතින උඩරට සාම්ප්‍රදායික නැටුම් කලාවේ මූලාරම්භය මෙය බවත් ඉතිහාසයේ සඳහන් වේ.
උඩරට නැටුම් යනු ශ්‍රී ලංකාවේ මධ්‍යම කදුකර ප්‍රදේශයේ ආරම්භ වූ නැටුම් සම්ප්‍රදායකි. සිංහල නැටුම් සම්ප්‍රදායන් අතරින් එක් ප්‍රධාන සම්ප්‍රදායකි. නමුත් මේ වන විට එය දිවයිනේ සෑම ප්‍රදේශයකම පුළුල් ව පැතිරී ඇත.
වෙස් නැටුම්
උඩරට වෙස් නර්තනය ශ්‍රි ලංකාවේ ඉතාමත් වැදගත් සංස්කෘතික අංගයකි. එය ශ්‍රී ලංකාවේ අනන්‍යතාවය සංකේතවත් කරන ඉතාමත් වැදගත් සංස්කෘතික අංගයකි. වෙස් නර්තන කලාවේ එන ඉතාමත් වැදගත් නර්තන අංගයකි කොහොඹ කංකාරිය.
නෛඅඩි නැටුම නෛඅඩි නර්තනය රග දක්වනු ලබන්නේ කොහොඹා කංකාරිය සදහා සූදානම් වන අතරතුර එනම් පහන් දැල්වීමේදී හා යකුන්, පිශාචයන් උදෙසා පිදේනි පුදන අතරතුරදීය. නැට්ටුවා තම ඇදුම් කට්ටලය වශයෙන් සුදු රෙද්දක්, අත් පළදනා, ජඨාව, ජඨා පටිය, ශිඛා බන්දනය, දෙවුර මාලා, ශිලම්බු (පා සළඹ) සහ ගෙජ්ජි යනාදියෙන් සැරසෙයි.
උඩැක්කි නැටුම උඩැක්කි නර්තනය යනු ඉතා ප්‍රසිදධ නර්තන විශේෂයකි. දෙවියන් විසින් දෙන ලදැයි සැලකෙන මෙම උඩැක්කිය අගල් 7 1/2 පමන දිගින් යුතු ඔප දැමූ බෙරයක හැඩැති වාදව භාණ්ඩයකි. පුරාණ විශ්වාසයන්ට අනුව මෙහි බෙර සම් ඊශ්වර දෙවියන්ගේද, නාදය විශ්නු ද.
William Cain ගේ 'Picturesque India' කෘතියෙන්, 1890.
පන්තේරු නැටුම පන්තේරුව පත්තිනි දේව මෑණියන් හට වෙන් කෙරුණු වාද්‍ය භාණ්ඩයකි. එය හැඩයෙන් බෙර සම් රහිත රබානකට සමාන වන අතර පරිධිය වටා කුඩා අත්තාලම් සවි කර ඇත. දෙවියන් මෙය යුධ ජයග්‍රහණ සැමරීමේදී වාද්‍ය භාණ්ඩයක් ලෙස යොදා ගන්නට ඇතැයි විශ්වාස කෙරෙන අතර පැරණි සිංහල රජවරුන් යුද්ධ භූමියන්හි ජයග්‍රහණ සැමරීම සදහා පන්තේරු නැට්ටුවන් යොදා ගෙන ඇත. පන්තේරු නැට්ටුවාගේ ඇදුම් කට්ටලය උඩැක්කි නැට්ටුවාගේ ඇදුම් කට්ටලයට බොහෝ සෙයින් සමාන වන නමුත් පබළු උරමාලයක් ඊට අඩංගු නොවේ.
2014 ලෝක රූ රැජිණ දකුණු අප්‍රිකාවෙන්
2014 වසරේ ලෝක රෑ රැජිණ තරගයේ කිරුළ දකුණු අප්‍රිකානු ජාතික රොලීන් ස්ට්‍රෝස් දිනා ගත්තා ය. එහි අවසන් මහා තරගය පැවැත්වුනේ ලන්ඩන් නුවරදී ය 2014 ලෝක රෑ රැජිණ තරගයේ කිරුළ දිනූ 22 හැවිරිදි රොලීන් ස්ට්‍රෝස් මේ වන විට වෛද්‍ය සිසුවියක ලෙස අධ්‍යාපනය හදාරන්නී ය. මෙහි දෙවන හා තෙවන ස්ථාන ජයග්‍රහණය කළේ, හංගේරියානු රූමතියක වන එඩ්නා කල්ස්කර් හා අමෙරිකානු රූමතියක වන එළිසබත් සෆ්රිට ය.
ලෝක රූ රැජිණ යනු ලෝක රූ රැජිණ සංවිධානය (Miss World Organisation) විසින් වාර්ෂිකව පවත්වනු ලබන, එක් එක් වසර වලදී ජාත්‍යන්තර මට්ටමෙන් රූප සුන්දරියක් තෝරා ගන්නා තරඟයකි. ජාත්‍යන්තර රූ රැජිණ, මිහිකත රූ රැජිණ සහ විශ්ව රූ රැජිණ තරඟ හැරුණු විට, ලෝකයේ පවත්වන අනෙක් දැවැන්තම රූ රැජිණ තරඟය වන්නේ ලෝක රූ රැජිණ තරඟයයි. 1951 වර්ෂයේදී Eric Morley ගේ ප්‍රධානත්වයෙන් ඇරඹූ මෙම තරඟය,ලොව පැරණිතම රූ රැජිණ තරඟයද වෙයි. සාම්ප්‍රදානුකූලව, ලෝක රූ රැජිණක් තම ධූර කාලය තුලදී රැඳී සිටින්නේ, එංගලන්තයේ ලන්ඩන් අගනුවර තුලයි. ලොව ප්‍රකට රූ රැජිණ තේරීමේ තරඟ 4 න් එකක් ලෙසද ලෝක රූ රැජිණ තරඟය නම් දරයි.1951 වසරේදී Eric Morley විසින් ප්‍රථමයෙන්ම මෙම තරඟය හඳුන්වා දෙනු ලැබුවේ, නාන ඇඳුම් තරඟයක් ලෙසයි (Bikini Contest). නමුත් මාධ්‍යයන් හී එය ප්‍රචාරය වූවේ "Miss World" යන නාමයෙනුයි.
